WALA ngang tulugang naglakbay si Laxus upang makabalik na kaagad sa Gladius Village. Hindi na nga siya huminto pa sa pagtakbo, at wala na rin ngang choice ang mga kasamahan niya kundi ang makipagsabayan dito. Isang araw pa ang lumipas at ni isang salita mula sa binata ay wala silang naririnig. Ni hindi nga nila ito mayayang huminto muna upang kumain o magbawi ng energy na nawala sa kanila.
Wala kasing ibang nasa isip ang binata nang mga oras na iyon kundi ang kailangan niyang mailigtas si Lisa. Naalala kasi niya bigla ang kanyang pangako rito. Isa pa, alam niya ang nangyayari kapag naging isang slave na ang isang player at hindi iyon maganda para sa dalaga.
“Hindi pwede…” bulalas na nga lang ng binata sa kanyang isip.
Baka raw hindi kayanin ni Lisa ang mangyayari sa kanya at iyon ang ki
