NATAHIMIK ang lahat sa loob ng silid na iyon nang marinig ang inialok ni Modosu sa binatang si Laxus. Isang alok iyon na tila ba isang cheat para sa kanila. Magiging level 30 daw kaagad ang espada ng player na may dilaw na buhok dahil sa swordsmith na ito. Si Sora nga ay parang ayaw pang paniwalaan na posible iyon.
“P-posible m-mong magawa iyon?” bulalas pa nga ni Cruxade na napatayo na rin dahil sa bagay na iyon.
“Kahit sa mga sandata ninyo… Kaya ko rin iyong gawin,” seryosong winika ni Modosu at napatingin pa siya sa matandang si Sora na sa palagay niya ay may kung anong iniisip tungkol sa kanya. Maging siya ay kanina pa ring iniisip kung sino ba ito. Wala naman talaga siyang ideya, pero paano raw kung kakilala niya ito sa labas ng larong ito?
“Pero kailangang may dalhin kayo sa aking
