CHAPTER 10
ALYANA’S POV
NAGLALAKAD kami papasok ng mansyon nang biglang may sumugod na mga kawal sa loob.
“A-anong nangyayari?” naguguluhang tanong ko kay Danica ngunit tulala siya at di siya makapagsalita.
Dahil do’n ay pumasok ako upang usisain ang nangyayari at laking kinagulat ko nang makita hinuli nila si Papa.
“Inaaresto ka namin sa illegal na pag-angkat ng kalakal sa dayuhan!”
Napakunot-noo ako sa narinig ko dahil hindi magagawa ni Papa ang bagay na ‘yon.
“Anong pinagsasabi mo? Hindi gano’ng klaseng tao si Papa!” protesta ko dito sa kawal.
“Kaya kayo yumayaman dahil sa illegal na gawain ng Papa mo, Miss Alyana.”
Natigilan ako sa sinabi nito saka ko nilipat ang tingin kay Papa. Tinitigan ko siya saka ako naluluhang umiling dito.
“H-hindi... hindi magagawa ni Papa ‘yon, hi
