Kabanata 42
PILIT na nilakasan ni Odette ang kanyang loob. Nang iangat siya ni Helios ay iniangat din niya ang katawan niya mula sa pagkakaupo sa sahig.
Maluha-luha ang mga mata nito nang tingnan niya pero tinanguan siya.
“Let's go,” He said and held her hand.
Tuluyan siyang sumama rito habang umiiyak. Malalaki ang hakbang ni Helios kaya napilitan siyang sumabay dito kahit na nangangatog ang mga tuhod niya. Hanggang sa marating nila ang ICU.
Mas nauna pa itong sumilip dahil hindi niya kaya kung ano man ang makikita niya. Nang hindi siya makatagal ay lumapit na rin siya, dahan-dahan. Kinakabahan man ay tumingkayad siya para makita ang ginagawa sa loob. Napapalibutan ang anak niya ng mga nurses, at ni Dr. Mariano.
Maya-maya ay nakita niyang itinaas ni Ammiry ang kanang kamay.
Agad na
