LAURA POV
KUMAKALAM ang aking tiyan kaya napatigil ako sa pagle—lettering na word na Seminar. Napalingon ako sa paligid at napansin kong lahat sila ay busy. Hindi pa ba sila nagugutom?
“Nagugutom ka na, Laura?”
Nagulat ako nang magsalita si Rosy sa tabi ko. “Nagugutom ka na?” ulit niyang tanong sa akin.
Napatango ako sa kanya. “Um, yeah. Nagugutom na ako. Ikaw ba?” balik na tanong ko sa kanya. Pinagpatuloy ko muli ang pagle—lettering dito.
“Kinda. Pero, nakakahiya magsalita dahil halos lahat ng classmates natin ay busy.” Palihim siyang napalingon sa paligid. “Maging si Cheska ay go na go na gumawa ng flowers.” sabi niya at napadako ang tingin kay Francheska na busy sa isang sulok, dalawa sila ni Roanne ang gumagawa ng bulaklak gawa sa japanese paper.
Napatingin ako sa paligid namin.
