Arietta's POV
PUMUNTA kami sa pavilion hall na tinutukoy ni Miss Perez. Pagkarating namin doon ay may mga estudyante na nakaupo sa sahig. Napansin kong napalingon ang mga estudyante kay Zeina. Nakikita kasi ang makinis niyang kutis kaya kapansin-pansin talaga siya.
"Seriously? Uupo tayo sa sahig?" rinig kong reklamo ni Zeina. Napailing na lang ako sa naging suot niya.
"Ayon sina Kuya Reed, tara pumunta na tayo." Napatigil ako nang hawakan niya ang braso ko.
"Sure kang uupo tayo r'yan? Hindi ba mangangati tayo?" Napailing ako at napansin kong suot pa ni Reed ang jacket niya.
"Naka-pants ako kaya okay lang sa akin. Huwag kang mag-alala dahil hihiramin ko 'yong jacket ni Reed para makaupo ka." Napatango naman ito at sumabay na sa akin sa paglalakad.
"Nandiyan na pala kayo. Bakit naman a
