My P.A.

DISCLAIMER’S NOTE All characters and events in this story are entirely fictional. This is a work of fiction. Names, characters, businesses, places, events and incidents are either the products of the author’s imagination or used in a fictitious manner. Any resemblance to actual persons, living or dead, or actual events are purely coincidental. PROLOGUE “Ano Alex, game?” wika ni Marichu sa kaibigan. “Ticket to Australia plus pocket money kapag natalo mo ako sa challenge ko sa’yo.” “Sige, game.” mayabang na wika ni Alexandra. “Teka muna Menchu, paano ang isusuot ko? Paanong porma?” “Ah, easy lang yan. Maraming malalaking damit si Kuya sa kanyang cabinet na babagay sa character mo. Tutulungan kitang bilhin ang mga kulang mong props. Tara BF, magsukat ka na, wala ng oras.” Hinila na ni Menchu sa kamay si Alex patungong kuwarto ng kapatid niya. Hindi magkamayaw si Alex sa pagpili ng mga damit. “Kapag hinanap ito ng kuya mo, lagot tayo.” “’Di niya mapapansin yan. Ito BF, isukat mo ito, bilis,” Tumutulong na si Menchu sa pagbihis ni Alex. “Eherm, good evening Boss, Hello Sir. Sir, yes Sir.” Nakahawak pa si Alex sa kanyang lalamunan habang sinusubukan ang baretonong boses. Nagpalakad-lakad pa ito na parang si FPJ. “Hindi pa tapos ang laban. Umpisahan mo, tatapusin ko.” “Tama na Alexandra. Sumasakit na ang tiyan ko.” Humagalpak ng tawa si Menchu. “Eherm, may I know your name Miss beautiful?” pabirong kumindat pa si Alex sa kanyang kaibigan. Sa sobrang katuwaan ay binato ni Menchu si Alex ng unan. “OA ka na, BF.” “Ano ba Marichu? Sinisira mo ang acting ko.” Bumalik si Alex sa pag-arte na mala-barako. “Walang matigas na tinapay sa mainit na kape.” “Alex, yung natural lang. Yung kilos tibo na natural lang. Halata na kasing nanggagaya ka eh,” natatawa pa ring wika ni Menchu. “Napaka-guwapo ni Martin, baka ma-inlove ka, BF.” pilyang komento ni Menchu habang pinapanood si Alex sa panggagaya kay FPJ. “No, no, no.” Mayabang pang ipinayagpag ni Alex ang kanyang braso at determinadong nagwika. “Hindi ako mai-inlove sa Martin Grey na yan. Hindi kami talo. Never.” “We’ll see. Martin Grey is oozing with sex appeal. The most sought bachelor in showbiz.” naghahamon na wika ni Menchu. “So what?” Ipinagkibit-balikat ni Alex ang mga sinabi ni Menchu. Twenty four na siya at kahit kailan ay wala pa siyang na-encounter na lalake na nagpakilig sa kanya. Tomboy nga ba siya? Wala din naman siyang crush na babae. “BF, ang deal natin ha.” Ito ang importante sa kanya, ang pustahan nila ni Menchu. Sasagutin ng kanyang kaibigan ang pamasahe niya patungong Australia. Titiyakin niyang mananalo siya. “It’s a deal.” Dalawang thumbs up sign pa ang ginawa ni Menchu. “Good.” Ginaya uli ni Alex ang mala-FPJ na salita at lakad.