NAGTAAS ng tingin si Travis Rigor mula sa binabasang papeles nang bumukas ang pinto at iniluwa doon ang kanyang asawa na galit ang mukha at animo’y susugod sa giyera.
“Bakit mo ipapasara ang Travis Bar?!” tanong nito. Hinampas ang kanyang executive table.
“Ka. . .kasi wala ng pu. . .pumapasok na i. . . income,” sagot niya. Buo na ang loob niya na ipasara ang Travis Bar para tumigil na rin ang operasyon ng pasugalan. Malaki ang kita doon ngunit hindi niya alam kung saan napupunta ang pera. Hindi naman pwede na siya ang mamahala niyon bilang Jake dahil silang dalawa lang ng kanyang asawa ang nakaalam tungkol sa pasugalan at batid nito na hindi niya basta ipagsasabi kung kanino lang ang lihim nilang dalawa lalo’t mananagot sila sa mga parokyano nila na mga alta sa syudad din. Higit na mas
