“D*MN!” pabulong na mura ni Travis Rigor habang pinupunasan ang mantsa na dumikit sa kanyang polo. Nabunggo kasi siya ng dalawang batang naghahabulan sa pasilyo ng school building at may hawak na tsokalate ang isa.
Hinahanap niya ang classroom ni Jennica. Pinapatawag kasi ang magulang pa sa homeroom meeting at releasing ng cards. May pinuntahan na importante si Jean kaya wala na siyang nagawa nang makiusap ito na siya na ang um-attend ng meeting.
Hindi maipinta ang mukha niya. Siksikan sa pasilyo dahil sobra na nga sa capacity ng school ang mga estudyante ay dumadagdag pa ang magulang. Pinipigilan niya ang kanyang sarili na kutusan ang mga batang pasaway na nakuha pang maglaro.
“Tito!” salubong sa kanya ni Jennica. Tuwang-tuwa ito nang makita siya.
“Saan ang classroom mo?”
“Dito po,
