KABANATA 53:
MATAPOS akong muntik nang masampal ni Rianne, walang pag-aalinlangang hinawak ni Gideon ang kamay ko at hinila palayo sa kanya. Narinig ko pa ang naiinis na tili ni Rianne pero sa pagkakataong iyon, mas nangingibabaw ang takot at kaba sa aking dibdib.
Gusto kong ipaglaban si Gideon lalo pa’t nakikita ko kung anong klaseng babae si Rianne pero ngayong nalaman na ni Gideon ang dahilan kung bakit ako umalis noon, pakiramdam ko ay gumuho ang buong mundo ko. Sari-saring tanong ang bumalot sa utak ko. Paano kung isipin niyang pera nga lang talaga ang habol ko sa kanya? Paano kung isipin niyang hindi ko naman talaga siya mahal? Paano kung… sa pagkakataong ito, siya naman ang sumuko?
Nang makapasok kami sa kotse niya, hindi pa nagtatapos ang paghabol sa amin ni Rianne. Kitang-kita
