Lumipat agad kami sa Villa Vulcania pagkatapos ng naging insidente sa mall na pinuntahan namin ni Uncle Vulcan nang nakaraan. Galit na galit siya sa ginawa ni Mama sa akin nang nakaraan lalo na at parang naging malaking trauma na sa akin ang mapalapit sa kanya. May gabi na nagigising ako na umiiyak. Lagi rin siyang laman ng panaginip ko lately kung saan ay paulit-ulit niya akong sinusumbatan dahil inagaw ko raw sa kanya ang lalaking kanyang pinakamamahal. Gustong sugurin ni Uncle Vulcan kinabukasan si Mama para kumprontahin ngunit ako ang nakiusap na huwag na dahil mas lalong magkakagulo. Sabi ko iiwas na lang ako hanggang kaya ko.
Isa ito sa dahilan kung bakit gusto ni Uncle Vulcan na lumipat kami ng tahanan. Mas malapit si Mama sa akin ay mas masasaktan niya ako. At least sa villa, secu
