NAPASARAP ang tulog ni Camilla at paggising niya ay hapon na. Bumalikwas siya ng bangon at kaagad naligo. Hindi na tuloy niya natuunan ng pansin si Charlie dahil male-late na siya sa trabaho. Mabilisan din siyang kumain pagkatapos ay umalis.
Pagdating ng ospital ay isang oras nang late si Camilla. Inabutan pa siya ng matinding traffic, palibhasa rush hour. Nawala sa isip niya na ma-a-assign pala siya sa operating room.
“Bakit ako?” reklamo niya habang papasok ng nurses’ station.
Naabutan pa niya roon si Lessel. Gabi na pa rin ang duty nito. “No choice, ikaw lang ang babaeng nurse na qualified sa operating room sa night shift,” ani Lessel.
“Marami bang schedule ng operation?”
“Dalawang pasyente. Iyong isa, heart surgery, ang isa, sa buto. Mas mahirap kung sa umaga, minsan mas maraming
