Kabanata 9
•CHARM POV•
Andito na ako sa tapat ng pinto ng amo ko at ang kaba sa aking puso ay ramdam ko na. Hindi ko mawari ang kabang nararamdaman ko sa mga oras na ito. Hindi ko alam kung saan ako kinakabahan, sa puwede n'ya bang sabihin o sa presensya n'ya. Lagi akong natutuliro kapag and'yan s'ya lalo na kapag nagsalita s'ya ay para na akong pinaliliguan ng malamig na tubig. Humugot ako ng malalim na hininga upang mahimasmasan naman ako kahit papaano pero kahit ilang hugot ko ng hinga ay wala parin nangyayaring komportableng pakiramdam sa aking dibdib. Mukha na akong tanga dito ngunit wala akong magagawa, ito lang ang alam 'kong paraan sa ngayon para sa kabang nararamdaman ko.
Itinaas ko ang kamao ko para kumatok sa pinto ngunit sa tuwing lalapat ang kamay ko ay naibabalik ko ulit
