Kabanata 40
•CHARM POV•
Mahangin at puno ng misteryo ang buong kalangitan. Sinasabayan ito ng mga malilit na insektong malayang nagpapalamig ng gabi gamit ang kanilang mga huni. Bilog na buwan na s'yang nagsisilbing liwanag sa buong kapalayan.
Napahalukipkip ako saaking kinauupuang damo at malayang binalikan ang mga pangyayaring gumimbal at nagpugulo ng aking isipan.
May pag-asa ba ako?
Isang tinig ang umalingawngaw saaking isip, napailing ako at napatingin sa lumang balon na naririto.
Malinaw na may pagtingin s'ya saakin na mahirap paniwalaan. S'ya na mayaman at ako na hamak na dukha. S'ya na may angking kagwapuhan at ako na isa lamang ordinaryong mukha na imposibleng pagkabaliwan. S'ya na may magagarang suot at ako na walang alam kun'di magsuot ng mga lumang damit. S'ya na Manil
