LIV
Nang makatapos kaming maghapunan ay pinagpahinga ko na si Nanay at ako ang nagligpit ng pinagkainan namin. Oliver helped me clear the table pero pagkatapos noon ay pinaligo ko na rin s'ya. I was drying the last plate when I felt his arms wrapped around me.
"Tulog na tayo," bulong n'ya sa akin.
Napatawa ako at nang lingunin ko s'ya ay dinampian ko s'ya ng isang matunog na halik sa pisngi.
"Ilalagay ko pa sa dryer ang mga damit. It should be done by now. Help me?" tanong ko sa kanya.
"Naglaba ka pa?" kunot noong tanong n'ya sa akin.
Tumango ako. "Nasa sahig na nga ang ibang damit mo. Ano pang isusuot mo bukas? Pati 'yong kay Nanay dinala ko na at baka wala na s'yang isuot bukas. Isinama ko na rin 'yong latag ng kama at punda. I didn't wash the comforters though. Bukas na lang '
