CHARLIE
"ARE you okay? Napansin ko kanina ka pa tahimik," puna ni Henry sa akin makalipas ang ilang oras namin sa biyahe.
Pinili ko na lamang kasing itinuon ang aking atensyon sa labas ng bintana upang hindi ko mapansin ang paglalambingan ng dalawa sa aking harapan.
"M-Mas gusto ko lang talagang tahimik kapag nasa biyahe," sagot ko.
Ang iba ay panay ang kuwentuhan sa likod at tila talaga namang nag-e-enjoy sila. Ang buong marketing team ay kasama namin sa loob ng bus kaya kahit papaano ay magaan ang aking loob sa lakad na ito.
"Ah, pasensya ka na. Baka naiistorbo kita," muli nitong turan.
"Hindi naman. Ayos lang. Pasensya ka na rin kung boring akong ka-buddy," biro ko rito.
"No, no, of course not. Masaya nga ako kasi pumayag ka na maka-partner ko. I was actually planning on askin
