CHARLIE
TAHIMIK lamang akong namasid sa labas ng bintana habang tinatahak namin ang kahabaan ng EDSA. Sila Karen, Sarah, Emma, at Donna naman ay masiyang nagkukuwentuhan sa likod. Rush hour na kaya bahagyang mabigat ang lagay ng trapiko.
Habang abala ang tatlo sa pagkukuwentuhan ay hindi ko naiwasang tumingin sa rearview mirror. Halos tumalon ang aking puso mula sa aking dibdib nang magtama ang aming paningin. Hindi ko inaasahang kasalukuyang itong nakatitig sa akin sa salamin. Nakahinto kasi kami dahil sa stoplight.
Mabilis kong iniiwas ang aking tingin at muling ibinalik iyon sa labas ng bintana. Sa kabila nang lahat ng nangyari at kahit ilang beses na niya akong nasaktan, pakiramdam ko ay hindi pa rin nabawasan ang pagmamahal na nararamdaman ko para sa kaniya. Kung hindi man nabawasa
