PILIT kong inignora lahat ng aking nakita. Kahit na sinasampal na sa mukha ko lahat ng senyales na may gusto nga yata siya akin.
"Sabi daw ni Tasha, ambisyosa ka daw."
Napapikit ako ng mariin. Kung kailan matanda na kami may ganoong klase pa rin ng tao na akala mo nasa grade school pa kami. Pagod na ko sa ganyan noong nag-aaral pa ko. Pagdating sa trabaho may ganito pa rin pala.
"Hayaan mo na siya sa kung anong gusto niyang sabihin. Gloria, kahit anong sabihin ko may maniniwala ba sa'kin? Tsaka lahat ng naririnig mo 'wag mo ng i-relay sa'kin. Wala namang mangyayari. Hindi naman ako makikipag-away dahil lang sa mga narinig ko. Naii-stress lang ako."
"Ay, ang sungit," komento niya.
Pagod ko siyang tinignan.
"Matutulog na ko. Pagod na ko talaga," sabi ko sa kanya at binuksan na ang pint
