I WAS GROUNDED IN MY ROOM, kinuha rin ni Mommy sa akin ang phone ko para lang hindi ko na matawagan pa si Jazz.
I cried overnight, dahil lahat sila ay parang galit sa akin. Ramdam na ramdam ko ang kanilang pagka-disappoint sa akin: si Mommy, sina Daddy, si Ate Elle, at sina Kuya Brandon and Kuya Adrius.
Sinisi pa ako ni Ate Elle dahil hindi natuloy ang pagpapakilala nito sa kanyang boyfriend, kasi nga mainit na ang ulo nina Daddy.
Pati ang driver ko nadamay na rin dahil pinaalis na ito nina Daddy, tuluyan nang tinanggal sa trabaho at pinalayas na rito sa mansyon, napagalitan pa at nasigawan. Naawa tuloy ako sa matanda na halata ang takot sa mukha at paginginig habang pinapagalitan.
Ngayon ay hindi ko na alam kung ano na ang gagawin ko. Gustong-gusto ko nang malaman ang lagay ni Jazz.
