Napamura si Ronnie nang makita niyang kinaladkad ng mga armadong lalaki ang kanyang mga tauhan. Papunta pa lang sila sa Oslob ay sinabihan na niya ang mga ito na mag-ingat dahil hindi basta-basta ang pamilya ng kanilang susugurin. Pinagtawanan lang siya ng mga hinayupak. Dahilan ng mga ito na maski pulis ay iilan lang sa liblib na probinsyang kaning pupuntahan. Pwes, bahala sila sa kanilang buhay!
Kasi hindi siya mag-aksaya ng panahon para iligtas ang kanyang mga kasamahan. Mas importante ang inuutos ni Alicia sa kanya kahit na kanina pa siya nakatanggap ng mensahe mula sa babae na huwag ng ituloy ang operasyon. Nang matanggap niya ang mensahe mula kay Alicia, talagang aalis sana sila ngunit namataan niya ang isang lalaki na matagal na sanang patay. At nang tinawagan niya si Troy, binigy
