Hindi mapakali si Daniella habang nakahiga sa kanyang kama at pasulyap-sulyap siya sa lalaking kampanteng naupo sa kanyang sofa at nanood ng TV. Natakot siyang gumalaw dahil ayaw niyang makatawag ng pansin at baka kung ano ang gagawin ni Marcus. Pagkatapos ay bigla na lang itong tumayo at naghubad ng damit sa kanyang harapan. Natakot siya bigla. Aangkinin ba siya nito ng sapilitan kagaya ng ginawa niya sa katawan nito?
"Magsa-shower lang ako. Nasaan ang mga towels?" Pinigilan ni Marcus ang sarili na matawa sa hitsura ni Daniella. Nakabalot ng kumot ang buo nitong katawan at nagmukha itong lumpia.
Mariin na ipinikit ni Daniella ang kanyang mga mata dahil ayaw niyang pagmasdan ang hubad nitong katawan kahit na may nangyari na sa kanila dati. Kaya lang, hindi umalis si Marcus mula sa kanya
