Nang bumalik siyang muli sa sala ay wala roon si Alexis. Sumilip siya sa bintana at nakita niya itong pabalik na rin mula sa kotse. Dala na nito sa kamay ang sinasabi nitong pamalit na damit. Dali-dali siyang umalis doon dahil baka mahuli siya nito na sinisilip niya ito sa labas. Kumakalabog ang kanyang puso. Umupo siya sa sofa at kunwaring inabala ang sarili sa panonood ng TV na iniwan kanina ni Alexis.
"Saan ang shower room, Sweetheart?" tanong nito maya-maya nang nasa harapan na niya. Tumayo siya para ihatid ito sa banyo. Nakalimutan niyang kahit kailan nga pala ito pumunta sa bahay nila ay hindi pa ito gumamit ng CR kaya hindi nito alam.
"Follow me."
"Okay. Mauna ka na sa room ha. Huwag mo na akong hintayin. Susunod na din ako after kong maligo," sabi nito dahilan para mas lalong
