Hakan's POV
“I didn't know about it. Kung hindi pa kayo pumunta rito sa bahay ay hindi ko pa malalaman ang tungkol sa relasyon ng anak ko at apo ninyo,” walang muwang na sabi ni Auntie Ximena habang palipat-lipat ang tingin niya sa kaniyang anak at sa anak kong si Maki.
Nagulat ako na marinig ito kay Auntie Ximena sa totoo lang. Wala rin pala siyang alam tungkol sa relasyon ng kaniyang ampon na si Korinto sa aking bunsong anak na si Maria Makiling.
Nagpasya kasi kaming mag-asawa na pumunta sa bahay nila kasama ang aking ina at biyenan upang kausapin namin siya na kaharap ang aking anak at ang asawa nito. Gulat na gulat si Auntie Ximena na malaman na kasal na ang mga anak namin at magbalae kami ng wala kaming kamalay-malay.
Nagtagal ang tingin niya kay Korinto na hindi makatagal sa m
