Hakan's POV
Dalawang araw pang nanatili si Maria Vaniella sa ospital bago kami hinayaan na umuwi ng doktor niya at ni Ninong Justin. Doon sa bahay kami dumiretso kasama ang kaniyang mga magulang at mga kapatid. Kumpleto sila ngayon, sumama sina Valentin at Valerio na sobrang na-miss ang ate nila. Sumama rin sa bahay namin ang aking buong pamilya. Para tuloy kaming nagkaroon ng instant family reunion dahil kumpleto kami.
Umaapaw ang mga pagkain at bumabaha ang mga inumin sa hapag-kainan nang magsalo kami sa isang masarap na tanghalian. Halos hindi na kami makahinga sa sobrang kabusugan dahil pare-pareho kaming magana na kumain. Puro kami nakakamay at talagang nilalantakan ang bawat putahe na hinanda.
Nang matapos kami sa masarap na salo-salo ay nagpasya kaming mga adult na magkape at um
