Kabanata 11
Dive
Umalis rin agad si Austin matapos kumain. May kinuha lang daw ito sa kaniyang silid at lumakad na. Ako naman ay naglibot sa hardin.
Ang totoo ay na-miss kong mag alaga ng mga bulaklak. May mga halaman ako sa probinsya na siyang alaga ko sa harapan at likod ng aming bakuran. Pero madalas itong sirain ng alagang puso ng kapitbahay namin kaya ang ending... niligaw ko na lang si muning.
May mga orchids akong natanawan at ilang daisy doon. May sunflower din akong nakita kaya mabilis akong lumapit doon at nag-selfie. I smiled as I could see my face smiling at the photo. Mabilis ko nang isinilid ang aking cellphone sa aking bulsa at muling nilibot ang bakuran.
Hanggang dalhin ako ng mga paa sa may likod ng mansyon kung saan namataan ko ang rectangular shape na swimming pool.
