Vince’s POV
Alas syete na nang makauwi ako ng bahay. Kung wala lang talaga sana akong ibang gustong gawin ay hindi pa sana talaga ako uuwi ng bahay nang ganito kaaga. Madalas ay hating gabi na o minsan hindi talaga ako umuuwi. Wala naman akong rason para umuwi ang ganito kaaga. Pero ngayong may sadya ako ay kailangan kong ibigay mula ang oras ko kay Alexa. Para na rin magawa ko na ang plano ko at mang matapos na ang lahat nang ito. Gusto ko nang makasama si Jillian nang walang nagpipigil at pag-aalinlangan.
“Vince, maaga kang umuwi ngayon. Tamang-tama nagluto ako ng masarap na ulam, sabayan mo akong maghapunan,” hinawakan ni Alexa ang aking kamay saka nagsimula na itong hilahin ako papasok sa loob ng bahay. Hindi ko na siya pinigilan gayong kailangan ko muna ng magandang tiyempo para si
