Chapter Seventy-two
Xachary
Seryoso kong pinagmamasdan ang mga tao sa event. Lahat mga nakapustura at halatang pinaghandaan ang gabing ito. Kanina pa tumatawag si Honey sa akin pero hindi ko magawang sagutin ang tawag nito dahil hindi ako nilulubayan ni Verronica. Nakailang harap na kami sa mga reporter na curious sa details sa kasal namin. Si Verronica lang naman ang may sagot dahil sa totoo lang ay hindi pa kami nag-usap sa bagay na iyon.
Magaling gumawa ng kwento ang babae. Paniwalang-paniwala naman ang mga reporter sa mga sinasabi nito.
"Xachary, sa pasko dapat nasa bahay ka." Bulong ni Verronica sa akin. "Iyong gift ko sa 'yo ay roon ko ibibigay." Medyo nakainom na ito at malikot na ang kamay na mabilis kong inaawat lalo't ayaw kong mahagip ng camera tapos ma-misinterpret ng baby
