Pagsapit ng alas-dos ay may humintong isang traysikel sa tapat ng bahay ni Gado. Mabilis siyang lumabas ng kubo upang tingnan ito. Nang makita si Conrado sa labas ng traysikel, tila nawala ang malaking batong nakadagan sa dibdib niya. Mabilis siyang tumakbo palapit dito.
"Kuya Conrado!"
Natigilan sa pakikipag-usap sa isang lalaki si Conrado nang marinig ang boses ni Ahnia. Mabilis siyang lumingon at nakita ang babaeng patakbo sa kinaroroonan niya.
Tila nag-slow-motion ang kaniyang paligid habang nakatingin sa tumatakbong dalaga. Isinasayaw ng hangin ang mahaba nitong buhok. Tila kumikintab pa sa puti ang mala-gatas nitong kutis sa tuwing tinatamaan ito ng sinag ng araw. Para itong isang rosas na kamumukadkad pa lamang.
Mahigpit na yumakap sa kaniya ang babae nang makalapit ito. Bahagy
