KASABAY ng pag-ihip ng malakas na hangin ay siyang pagguhit ng kidlat sa kalangitan. Nilamon ng malakas na kulog ang buong paligid.
"Ano! Masakit ba!" Lumabas ang tila sinulid na dila mula sa bibig ni Mariah.
Tumalim ang titig ni Ahnia rito. Pilit pinapatapang ang loob. "Halimaw ka!" sigaw niya at buong lakas hinawakan ang kamay nitong nakahawak sa balikat niya. Pilit niyang tinatanggal iyon mula sa pagkakahawak sa kaniya.
Mas lalong naningkit ang mga mata ni Mariah. Nagsimula nang bumuhos ang malakas na ulan ngunit makikita ang pagliliyab ng mga mata nito.
"Wala ka talagang takot, ha? Puwes, hayaan mong unahin kong patayin ang anak mo!"
Isang matinis na sigaw ang kumawala sa bibig niya nang malakas siya nitong hinagis. Bumagsak siya sa tubig hindi kalayuan mula rito. Mariin siyang pu
