NAALIMPUNGATAN ang dalaga nang malanghap ang amoy ng mga bagong lutong pagkain mula sa labas. Napangiti siya nang tuluyang imulat ang mga mata. Bumungad sa kaniya ang sinag ng araw na nagmumula sa nakabukas na bintana sa may ulohan niya.
Sandali siyang natigilan at pinakatitigan mabuti ang sinag ng araw. Nang maisip ang agahan at ang oras ay napabalikwas siya ng bangon. Agad niyang inayos ang sarili. Sinuklay niya ang mahaba at aalon-alon niyang buhok gamit ng mga daliri ng kamay bago tuluyang lumabas.
Bumungad sa kaniya si Conrado habang abala itong nagluluto. Natigilan pa siya nang mapagmasdan ito nang mabuti. Nakasuot ang lalaki ng simpleng puting shirt at maong na pants. Bakat sa suot nitong t-shirt ang naglalakihan nitong mga muscles.
"Hindi ka na nga nagluto kahapon, siyempre, hin
