Napalingon kami ni Levi sa likod nang isara na ni Aileen ang pintuan doon. Sinundo kasi uli namin siya ni Levi.
"Saan naman tayo ngayon?" tanong niya.
"Sa isang All-Filipino food buffet naman," sagot ni Levi.
"Ano ba 'yan!" reklamo ni Aileen.
"Bakit?" tanong ko. Iniharap ko pa talaga ang katawan ko sa likod para face-to-face kaming dalawa.
"Pwede ba? Bumalik na lang tayo sa pagba-bar? Mula nung nagbu-buffet tayo, ang laki na ng itinaba ko!" nakasimangot na sabi niya.
"Sino ba kasi nagsabi na lamon ang gawin mo kapag kumakain tayo? Nandoon tayo para lang mag-observe at tumikim."
Inirapan ako ni Aileen.
"Masarap kumain, eh!"
"'Yan ang sabihin mo!"
Pinaabante na ni Levi ang sasakyan niya, kaya umayos na ako ng upo.
"Hanggang kailan ba tayo lalamon nang lalamon kasi?" reklamo ni
