"Harold, kailan ko kaya pwedeng iuwi si Tatay?"
"Wala namang problema sa amin, Sir. Pero itong facility na ito, para lang talaga ito sa mga walang pamilya, at kailangan ng matutuluyan. Sir, ang problema kasi... si Tatay Jaime mismo ang ayaw, eh."
Napabuntonghininga ako, sabay tango. Totoo naman talaga ang sinabi i Harold. Nung tangkain namin siyang iuwi ni Bernie, ilalabas pa lang namin siya sa kuwartong inookupa niya, ay nagwala na siya.
Pagkatapos niyang tanungin kung sino ako noong unang araw kaming magkita, hindi ko alam kung nakilala ba niya talaga ako. Hindi niya rin naman ako kinumpirma noon kung kilala niya ako. Pagkatapos kong sabihin kung sino ako ay nakatingin lang siya sa akin.
"Sino nga pala ang may-ari ng facility na 'to? Baka pwede ko siyang kausapin? For the mean tim
