HUMINGA nang malalim si Maryey. Iyon na ang araw na nakatakda siyang magpa-confine sa Salcedo Medical Center. Hinihintay lang niyang dumating si Yahir Martini na siyang pinakiusapan niyang susundo sa kanya ng araw na iyon.
Pinagmamasdan niya si Sergio na kasama niya sa may lanai. Ang alam nito kaya siya magpapa-confine ay para mas ma-monitor siya ng kanyang doktor dahil ilang linggo na lang ay nakatakda na siyang manganak. Susunod ito sa ospital pagkahatid nito kay Ynho sa bahay ng mga magulang nito.
Nang sulyapan siya ni Sergio ay nginitian pa siya nito. Those smiles that she will be miss for sure.
“Hon, nasabi ko na ba kung gaano ka kaguwapo sa paningin ko?” aniya na hindi inaalis ang tingin sa kanyang asawa. Nakaupo siya paharap dito habang magkatabi silang nakaupo sa malambot na sof
