Kael “DR. KAEL” Guzman
Sa tuwing uuwi ako ng bahay ay una kong pinupuntahan ang aking mag-ina. Gusto ko sila kaagad ang aking nakikita.
Pagpasok ko sa kwarto ay wala roon si Alya. Naglakad ako papunta sa isang pinto kung saan konektado iyon sa kwarto ng aming anak. ‘Doon nauubos ang oras ni Alya dahil siya mismo ang nag-aalaga sa aming anak.’
Dahan-dahan kong binuksan iyon. Unti-unti akong sumilip sa pintuan at nakita ko ngang magkatabi ang mag-ina sa malaking crib.
Upang hindi maka-istorbo ay dahan-dahan pa akong naglakad papunta roon. Pagsilip ko ay tulog na tulog ang mag-ina. ‘Bumabawi pa si Alya dahil ilang linggo pa lang niyang kapapanganak.’
Naubos ang oras ko sa kakatitig sa kanilang dalawa. Makita ko lang sila ay wala na rin ang aking pagod. ‘Iba pala talaga ang feeling kapag
