“Ayos ba?” nakangising sambit niya sa akin. Tinutukoy niya ang kaniyang bagong gupit na buhok.
Napailing na lamang ako at napangiwi sa kaniya. “Oo, mukha ka nang tao ulit,”
“Sakit,” nakangusong saad niya.
Natawa naman ako sa inaasta niya. In fairness, umaaliwalas nang muli ang pagmumukha niya. Mas lalo siyang gumwapo sa gupit niya ngayon. Ito naman talaga ang nakasanayan kong gupit niya noon pa man. Napagtantohan ko ring hindi man lang nag-matured ang mukha ni Viro. Medyo napansin ko lang siyang nag-gain nang kaunti, kumpara noong huli ko siyang makita.
Kung dati ay medyo manipis ang katawan ni Viro kahit well build ang mga muscles niya, ngayon ay mukha na talaga siyang hot daddy . . . charot.
Pumasok kami sa isang bakery dahil napagdesisyonan naming magdala na rin ng mga pagkain bago
