HULI NA ANG lahat nang dumating sina Nyx at Jana sa teritoryo ni Ayden. Wala na silang nadatnan pa. Hinalughog na nila ang buong lugar pero walang sign ni Cassandra sa loob.
Nyx didn't know what to feel. Harap-harapan siyang tinatraydor ng sarili niyang kapatid at hindi pa niya alam ang puno't dulo nito. Isa lang ang klaro sa kaniyang utak, magkasabwat na naman sina Luke at Ayden.
"Sigurado ka bang dito dinala 'yong mortal na 'yon?" paniniguradong tanong ng kasama niya habang nagpalinga-linga pa sa kabuuan ng living room. Punong-puno ang mga mata nito ng pagkamangha. "This place is way too cool, Kuya! Kaninong bahay 'to?"
Hindi siya kaagad nakasagot.
Matagal na niyang alaga si Jana pero hindi pa pala niya nasasambit dito ang katauhan ni Ayden. Maybe because their lives weren't that
