“ANO'NG NANGYAYARI? Sino ba talaga kayo?" Sunod-sunod ang mga katanungan ni Tamara habang palipat-lipat ang kaniyang tingin sa dalawang estranghero. Kitang-kita sa kaniyang mga mata ang labis na koryusidad at pagkabahala. Dama din niya ang panginginig ng kaniyang katawan. Napapaatras. Nanlaki ang mga mata sa labis na pagkagulantang. "A-Ano ba talaga kayo?” pautal niyang dagdag.
Isa lang ang kaniyang nasisigurado.
Hindi mga tao ang mga bagong dating -- katulad ng kaniyang asawa, na matagal na niyang nalaman.
"Demonyo! Demonyo!" sunod-sunod niyang wika! "Isa kang demonyo!"
Ang napagandang babae na nakita niya kani-kanila lamang ay naging halimaw sa kaniyang harapan. Una niyang tiningnan ang mga pakpak nitong kasing kulay ng dilim na may patusok-tusok pa sa dulo. Mahaba rin ang buntot
