"SIR LIAM, sumugod po dito kanina si Ma'am Roxie. Inaway si Ma'am Tere!" pagsusumbong ni Diday nang salubungin siya nito sa maindoor.
"Ha? Anong oras? Bakit hindi n'yo ako tinawagan sa office?"
"Kaninang umaga po, Sir Liam." Napakamot sa ulo si Diday. "Ayaw po kasi sanang ipasabi ni Ma'am Tere. Pero natatakot ho ako na baka bumalik si Ma'am Roxie at awayin na naman si Ma'am Tere."
"Eh, nasaan si Ma'am Tere mo? Okay lang ba siya?" nag-aalalang tanong ni Liam. Agad siyang nakadama ng galit para kay Roxie.
"Nasa kuwarto po, Sir. Kanina pa nga hindi lumalabas at kumakain, eh. Kahit anong pilit namin."
Lalo pang nabahala si Liam. "Sige, Diday. Thank you."
"Ay, Sir!" tawag nito sa kaniya bago siya humakbang sa hagdan. "Hindi po sa nangingialam ako, Sir Liam. Pero nag-aalala po ako na bak
