KAHIT okay na sina Tere at Liam ay wala pa rin siyang balak na itigil ang pag-aalaga sa asawa. Lalo na sa pagkain nito, gusto ni Tere ay siya pa rin ang personal na mag-aasikaso.
"What the--" Muntik nang mapamura si Tere nang sa pagtayo niya sa kama ay siya namang hila ni Liam sa kamay niya. Bumagsak tuloy siya sa ibabaw nito. "Liam naman, eh!"
"Bakit?" Tinawanan lang siya ng asawa at niyakap ng maskulado nitong mga braso ang katawan niya.
Hinampas niya ito sa dibdib. "Anong bakit ka riyan? Eh, muntik na akong atakehin sa sobrang nerbiyos. Akala ko naman tulog ka pa."
Hinuli nito ang mga kamay niya at inipit din para hindi na makapanakit. "Mamaya ka na kasi bumangon. Tulog pa tayo."
"Magse-seven na po. At kailangan mo nang pumasok sa work mo dahil three days ka nang absent."
Inilapi
