Chapter Twenty Three:
Naabutan ko si Claudius na nakahilig sa hamba ng kotse niya habang nakatingala sa langit. Nagtext siya sa akin na naghihintay siya sa labas ng hacienda namin, sa likod ng rose farm.
Tumingin ako sa langit, puno ang madilim na gabi ng mga nagkikislapang bituin. Nang bumaba ang tingin ko kay Claudius, nakatingin na rin siya sa akin.
Kahit sa dilim, kitang kita ko ang malungkot na mga mata niya. Umayos siya nang pagkakatayo at hinintay na lumapit ako sa kanya.
Nang makalapit ako sa kanya, nanatili ang titigan naming dalawa. Ang malalim at kulay tsokolateng mga mata niya ay kitang kita mula sa liwanag ng buwan. Nakita ko ang marahang paglunok niya.
"Devora..." Mahinang tawag niya sa akin.
Yumuko ako at pinaglaruan ang mga daliri ko. Hindi ko alam kung anong sasab
