PASAMPA na sana ako sa kama nang makita ko ang aking phone na umiilaw. Kinuha ko iyon at nakita ko ang name ni Isa.
Ano kaya mayroʼn? Bakit tumatawag si Isa ngayong gabi? May problema kaya siya?
Kinuha ko ang aking phone at sinagot ang video call request ni Isa sa akin. Baka kasi urgent ito at minsan lang mag-request ng video call ang isang ito, mostly ay chats ang ginagawa nito.
“Hello, Isa! Kumusta? Kailan ang kasal niyo ni Kaiju? At, kailan ka manganganak?” bungad na tanong ko sa kanya.
Napatawa siya sa sinabi kong iyon. “Sira! Iyan talaga ang bungad mo, ha?” natatawang sabi niya sa akin.
Tumango ako sa kanya. “Of course, excited na kaming umattend ng kasal mo and makita ang first baby girl mo, Isa! Basta ʼwag mo kaming kalimutan na kami ang ninang ng baby girl mo, okay?” Sumandal
