Irene
Kalmado at walang pagsisisi kong nilapag ang sobre na may kalakip na resignation letter sa office table ni Albie. Diretso lang akong nakatingin sa kanya habang nakatayo rito sa kanyang harapan sa loob ng opisina.
Oo, alam kong malaki ang utang na loob ko sa kanya, ngunit ang bagay na iyon ay hindi ko hiningi, kung hindi kusang loob niyang binigay at dahil iyon sa babaeng pinili niyang maging kasabwat.
"Are you sure about this, Irene?" tanong sa akin ni Albie.
Kahit hindi niya sabihin, nababakas ko sa kanyang mga mata ang lungkot ngunit tila hindi na ito nakaaapekto sa aking damdamin.
Hindi ako nakararamdam ng kahit anong awa sa kanya, bagkus, tanging galit lang ang bumabalot sa aking puso.
"Yes," maiksing tugon ko kay Albie saka humakbang at tumalikod sa kanya. "By the way,
