Irene
Pakiramdam ko, ito na ang pinakamatagal na pagsakay ko sa elevator. Tila ilang floor na ang aming nadaanan at kada floor, ninanais kong bumilis ang pag-akyat ng elevator.
Tagaktak ang aking pawis kahit napakalamig sa loob. Maging ang aking palad ay nanlalamig at nanginginig.
Anong mangyayari sa akin kapag nalaman ni Third na ako ito? Ipakukulong niya kaya ako? Pero wala naman akong nakita sa balita na wanted ako sa mga pulis. Wala ring kaso na isinampa sa akin.
Sa ngayon, ang tanging hiling ko lang ay hindi niya ako makilala.
"Mis, ayos ka lang ba?" pagputol niya sa katahimikang pumapagitan sa aming dalawa.
Pilit kong tinaas ang gilid ng aking labi at ngumiti.
"Yes, I'm fine, S-Sir," nautal pa ako nang sabihin ko ang salitang sir.
Hindi ako makatingin nang diretso sa kanya. N
