Albie
Alam ko sa sarili na malaki ang aking pagkakasala, ngunit anong magagawa ko? Nangyari na ang nangyari at wala nang atrasan ito. Siguro, kung may isang bagay man akong maitatama sa aking buhay, iyon ay ingatan ang babaeng iyon at protektahan.
Muli kong kinuha ang aking cell phone sa bulsa, saka binuksan ang aking bank account at pinadalhan ang card number na binigay sa akin ni Clara.
Alam kong ito ang gusto niya. Ngunit hindi ko alam kung hanggang kailan ko matatapalan ang bibig niya ng pera. Magaling magpaikot ng tao ang babaeng si Clara, kaya sigurado ako na sa mga oras na ito, mayroon na silang mga taong maaaring maggiit sa akin.
Sa ngayon, ito lang muna ang magagawa ko upang maprotektahan si Irene habang nag-iisip pa ako ng solusyon kung paano makaaalis sa tali ng babaeng iyon
