TAHIMIK na pinagmamasdan ni Leandro si Jhen habang pinapapak nito ang niluto niyang lechon manok. Nakatayo lamang siya sa bukana ng pinto ng kusina. Gusto niya itong sanayin na lutong karne ng hayop ang kinakain. Isang linggo na ang nakalilipas ngunit mailap pa rin ito sa kanya. May pagkakataon na nawawalan ito ng kontrol sa sarili. Hindi niya ito nalalapitan sa tuwing gutom. Malakas ang pang-amoy nito. Naaamoy nito ang mga tao sa paligid ng mansiyon.
Kumislot siya nang biglang sumulpot sa tabi niya si Zack. “Bumabalik na ang alaala niya pero hindi pa rin niya kayang kontrolin ang pagiging bampira lalo na kapag nakakaamoy siya ng tao,” ani Zack.
“Gusto ko sanang magdala ng tao rito na malapit sa kanya,” aniya.
“Pero hindi ba mapanganib? Nagki-crave pa siya sa tao.”
“Kaya nga kailangan
