MAKALIPAS ang isang oras ay pinuntahan ni Leandro ang walang buhay na katawan ni Jhen sa likod ng bahay. Pagkuwa’y binuhat niya ito at ipinasok sa mansiyon. Wari pinipilas ang puso niya habang pinagmamasdan ang walang buhay niyang asawa. Kahit alam niyang mabubuhay itong muli, hindi niya maiwasang gunitain ang mga sandaling kapiling niya ito bilang normal na tao. Dinala niya ito sa kuwarto nito saka nilinis ang katawan at binihisan ng itim na bestida. Binendahan lamang niya ang ulo nito matapos mapatigil ang pagdurugo.
Pagkalapag niya sa katawan nito sa kama ay nagulat siya nang marahas na bumukas ang pinto. Paglingon niya’y si Zack ang pumasok. Nanlalaki ang mga mata nitong nakatingin sa kanya.
“Anong ginawa mo sa kanya, Dad?” namumurong tanong nito.
“I processed the dark reincarnation
