“SAAN ba nagmula ang apoy?” tanong ni Leandro kay Jhen matapos niyang inumin ang ibinigay nitong baso ng tubig.
Nang mahimasmasan si Jhen ay nagsabi na siya ng totoo. “Nagmula sa dugo ko ang apoy. Hindi ko maipaliwanag kung bakit ganoon,” kinakabahan pa ring sagot niya.
“Baka dahil sa diablo na nasa singsing,” suspetsa nito.
“Iyon din ang iniisip ko, Leon. Gawin mo na ang dapat bago mahuli ang lahat.”
Hindi nakaimik si Leandro. “I will,” pagkuwa’y sabi nito.
Hindi niya malaman kung matutuwa o malulungkot siya. “Nakahanda ako, Leon,” aniya.
“Okay. Pero tawagin mo muna ako’ng honey bago ang lahat.” Nagawa pa nitong magbiro.
Napangiti siya. “Sige na, honey. Ayaw kong iwan ang pinakamamahal kong leon.”
“Mamayang gabi ko gagawin iyon kapag nagising na si Zack.”
“Nakita mo na si Zack?!”
