Kabanata 145
KINAUMAGAHAN ay sobrang maga ng mga mata niya. Wala siyang maayos na tulog at lowbat na lowbat na rin ang kanyang cellphone. Kagabi niya pa kasi tinatawagan si Renzo pero ayaw nitong sagutin ang tawag niya. Hindi niya ito tinigilan hanggang sa inabot na siya ng madaling araw. Nakatulogan niya na nga pero ilang saglit lang ay nagigising din naman siya ulit para tawagan ito. Pero iyon na nga, ayaw siya nitong sagutin. Laging ring lang nang ring o 'di kaya ay out of service. Minsan naman ay busy ang line.
Marahas siyang napabuga ng hangin. Masakit ang ulo niya, maging ang kanyang mga mata dahil sa kakaiyak niya kagabi.
Mukhang kailangan niyang pumasok sa trabaho para lang makita at makausap si Renzo.
Bumangon siya at dumiretso sa kuwarto. Kumuha siya ng damit sa kabinet at
