Pagdating sa bahay nagtatakbo s'ya papasok, habang umiiyak.
"Ma'am, Bianca ipag-"
Nabitin sa ere ang pagtatanong ng kasambahay sa kanya ng makita s'yang umiiyak. Sinulyapan lang n'ya ito at nagtatakbo paakyat ng hagdan.
Nasasaktan s'ya at natatakot sa magiging desisyon ng asawa. Paano kung tuluyang magpalason si Liam sa Irene na 'yon. Hindi malabong mangyari 'yon. Nakita naman n'ya kung ano ang kayang gawin at isakripisyo ni Liam para sa kapatid nito. At kung bibitawan s'ya ni Liam para sa kapakanan ni Asena ay wala s'yang magagawa. Kung nasaan sila ni Liam ngayon ay dahil lahat 'yon kay Asena.
Padapa s'yang nag-iiyak. Masyado s'yang emosyonal at nadadala sa mga nangyayari. Hindi s'ya makapag isip ng tamang gagawin. Pero iisa ang nararamdaman n'ya. Takot. Takot na iwan s'ya ng asawa
