Agad silang nagtungo ni Liam sa Donya Feliza Hospital. Sinugod daw kasi ng Daddy niya si Asena sa ospital matapos makaramdam ng pananakit ng tiyan at pagdurugo.
Nag aalala siya kay Asena, pati na sa batang dinadala nito. Maselan ang pinagbubuntis nito, kaya todo alaga ang Daddy niya kay Asena. Ingat na ingat ang Daddy niya, pati na si Liam kay Asena.
Sinulyapan niya si Liam na nakatuon ang buong atensyon sa pagmamaneho. Halos paliparin na nga nito ang kotse. Kitang kita niya ang pag aalala sa mga mata ng asawa. Alam niyang mahal na mahal ng asawa ang kapatid nito. Kaya nga siya nagawang saktan noon dahil sa sobrang pagmamahal nito kay Asena. Tila handang gawin ni Liam ang lahat para sa ikabubuti ni Asena.
Hinawakan niya sa braso ang asawa para kahit papano ay pakalmahin sa nararam
